Lýsing
Lýsing
Lýsing

Sambandsflokkurin vitjar borgarstjóran

SKRIVAÐ: klaksvik.fo  |  25.05.2022 - 14:56 Tíðindaskriv

Fyrrapartin í dag var løgmaður, saman við tingmanningini hjá Sambandsflokkinum, og vitjaði Klaksvíkar kommunu. Á skránni var m.a. framløgur og prát um ymiskt virksemi í kommununi. Eitt nú bleiv nógv prátað um hølisviðurskiftini á Norðoya Røktarheimi.

 

Marna E. Jensen, stjóri í Norðoya Bú- og Heimatænastu, greiddi frá virkseminum á Norðoya Røktarheimi og hølistørvinum hjá Klaksvíkar Sjúkrahúsi. Í hesum sambandi vóru ymiskar loysnir umrøddar, sum kundi verið ein fyrimunur fyri bæði Klaksvíkar Sjúkrahús og Norðoya Bú- og Heimatænastu.  

Karl Johansen, borgarstjóri, vísti á, at ein avbjóðing í hesum arbeiðinum er, at í sambandi við at eldraøkið varð latið kommununum at umsita, so skuldi kommunurnar yvirtaka øll búpláss á eldraøkinum. Tó vóru tvey undantøk, sum ikki vóru loyst áðrenn yvirtøkuna av eldaøkinum, nevniliga Norðoya Røktarheimi og Røktarheiminum á Tvøroyri, sum bæði eru sambygd við sjúkrahúsini á staðnum. Tí má greiða fáast á ognarviðurskiftini hjá Norðoya Røktarheimi, áðrenn aðrar verkætlanir á eldaøkinum kunnu setast ígongd.

Borgarstjórin nýtti tí høvið, at heita á løgmann og tingfólkini, um at hjálpa við at loysa hesa tvístøðuna, soleiðis at arbeiðast kann víðari við teimum ætlanum, sum kommunan hevur á eldraøkinum.

Lýsing
Seinastu tíðindini
Minningarorð um Álvur Zachariassen
Ferðatrupulleikar hjá KÍ síggjast aftur…
Løgmaður sent Mette Frederiksen samkensl…
Man kann ikki bæði blása og hava mjøl í…
Fesk hýsa og toskur at fáa í Neystinum
Varðin og Palli hjá Mariannu: Fjórðingsm…
Myndarøð: Góðveður í Bodø
Filmur frá Voxbotn 2022
Myndarøð: KÍ-hópurin er komin uppá pláss…
Á Floksmannadegi - fuglar og náttúra
Kári skal menna nýggjar dómarar
Stórur vøkstur í persónsskatti­num í juni
Føroyaleikir: Oddvør er skjótast
- Vit mugu toppa fyri at hava ein møgule…
Akstovan eigur ikki at flyta úr Klaksvík
Akstovan eigur ikki at flyta úr Klaksvík
Tørvur á politiskum loysnum og einum hjá…
Hug at læra at gera film?
Landsliðið til NM
Klaksvíksdamur vunnu á havnardamum