Lýsing

Beistagerðin 2022

SKRIVAÐ: Hergeir Nielsen  |  27.05.2022 - 12:46 Lesarabrøv Politikkur Vinna

Sterkar afturhaldskreftir tóku seg upp, tá ið vit fingu Smyril (Molsin) í 1975, og Teistan frá 1980. Komu teir ikki tá, var oyggin langt síðan útblødd.

Tá fullveldissamgongan tók skap, orðaðu vit eitt lyftið um at dagføra Suðuroyarsiglingina. Einir fimm seks sokallaðir suðuroyartingmenn høvdu tá sitið í samgongu 1995-98, men eingin teirra tók hetta álvarsmál upp á tungu.

 

Hendan góða várdagin í 1998, tá ið samgonguskjalið var komið undir land, tóku vit tríggir, Høgni Hoydal og Annfinn Kallsberg ein stuttan fund. Eftir eini løtu høvdu vit funnið eina orðing, har kjølurin til dagsins Smyril varð strektur.

 

Verksmiðjur, sum hava funnið tað rættað produktið, seta tað næsta á skinnarar dagin eftir at tað seinasta er sjósett. Men - hvat hendir her?

 

Teir, sum kempaðu við lív og sál ímóti hesum framstigum, erpaðu sær tá av einum skræddaraseymaðum skipi um fjørðin.

 

Hvar er tað?  

 

Skiftandi landsstýrismenn úr A-B-C-flokkunum hava sitið við joystykkinum í hondini øll hesi mongu ár og EINKI gjørt. Stava 0,0. Ikki so frægt sum eina billettskipan hava teir loyst úr lagdi, men støðugt trýst trivnaðin umborð niður um nullpunktið.

 

Cafeterian steingir á hálvara leið, og hevur tú eina varmafløsku ella matpakka hjá tær verður tú hóttur við skansa og skafotti.

 

Skalt tú á wc, skalt tú vera “small”  og fara eftir reyv í neyðsynjarørindum. Alt við vælsignilsi frá skiftandi landsstýrismonnum.

 

Og lat okkum so bara minnast til, at løgd eru tún av gøtum sløttum undir firðir og sund á teimum leiðum, har eina frægast stóð til frammanundan.

 

Tað er olympiskt vrøvl, at tað ikki finst eitt frægari skip á marknaðinum enn ein íslendsk ferja í hálvari stødd, nú Smyril fer í dokk.

 

Í 1980 slitu teir eina samgongu, tí at tað almenna IKKI skuldi fáast við farmasigling. Hetta skuldi vera á privatum hondum.

 

1980’arirnir  hava nú uttan størri hóvasták snarað 180 stig á politisku kumpassini, tað veri seg á uttanríkispolitiska heimildarlagnum og í heimliga dunnugarðinum.

 

Nú milliarda stór havnaløg prýða, ella misprýða, alt miðstaðarøkið, úr Glyvursnesi norð um Kunoyarnes, so skal stórsti parturin av uppisjóvar- og alifiskinum trokast umborð á almenna Smyril, sum siglir við ferðafólki millum Kramba- og Bursatanga.

 

Í Suðuroy eru tvær djúphavnir, og 5 min er millum risastóru havnaløgini í miðstaðarøkinum, og kortini troka teir politiskt viðvendu allan farm umborð á almenna Smyril.

 

Dokksetingin av Smyrli 2022 skal sjálvandi gerast, men handfaringin kann ikki flokkast sum annað enn ein beistagerð móti 10% av føroyingum.

 

Hon er so púrasta óneyðug, og hon fer at fáa katastrofalar fylgjur fyri fólk og vinnu sunnanfyri.

 

 

 

 

 

Lýsing
Seinastu tíðindini
Gadus siglir heim
Tryggur 2-0 sigur til KÍ á AB
Beautemps-Beaupré úr Føroyum gjøgnum Djú…
Munandi betri avrik hjá flogbóltsmonnunu…
Føroya Sjómannadagur, skráin fyri 15.-20…
Meira um Húsarhaldsskúlan 
Upptakt: AB-KÍ
Rennibreytin tekur skap
Føroya Sjómannadagur mánadagin
Dagføring: Streymslit um alt meginøkið
Elnetið niðri - í besta veðri
AB-KÍ er fluttur tveir tímar
Opið bræv til Fótbóltsamb­andi um dystars…
Kom við á Føroya størstu og einastu staf…
Barsilsbólkur til tey við rúsbundnum f…
Verið varin í ferðsluni, nú skúlarnir by…
Flogbóltsmennir­nir á veg til Estlands
Framløga: Fornminni fram við sjóvamálan
Herverk í Klaksvík
Íslendskt kirkjukór í Christians­kirkjuni