Leingi er tað, ið væl skal vera, verður mangan tikið til. Soleiðis kann eisini sigast um tað bíðitíð, ið Inger Støjberg, fyrrverandi limur í danska fólkatingini fyri Vinstra, hevur verið fyri, seinastu seks mánaðirnir. Í dag eru tað nevnliga akkurát seks mánaðir síðani, at Inger Støjberg varð dømd í ríkisrættinum í Danmark. Síðani tá hava spekulasjónirnar verið nógvar, hvørt Inger fór at gevast í politikki, uppí ein annan flokk ella um hon nú fór at stovnað sín egna.

Og í dag, sum nevnt seks mánðir eftir staðfesting av dóminum hjá Inger Støjberg, er hon at kallað leys frá dóminum og deadline fyri skráseting av nýggjum floksnøvnum, er í kvøld kl. 2359. 

Tað sær nú ikki matari út enn so, at Inger hevur stovnað sín egna flokk. Navnið er at síggja til Danmarksdemokraterne (kelda: vaelgererklaering.dk). Bæði hon, og fyrrverandi forsætisráðharri í Danmark, Lars Løkke Rasmussen, fóru í síni tíð úr upprunaliga flokki teirra, Vinstra, og valdu at ganga aðrar leiðir. 

Umframt Lars og Inger, so er Isabelle Ahrendt, sum í mong ár hevur verið ein frontfigurur fyri Kristendemokraterne, skift yvir til Det Konservative Folkeparti. Her kann eisini nevnast, at Kristian Thulesen Dahl, ið hevur hevur limur í Dansk Folkeparti síðani 1995, og gjørdist formaður frá 2012 til í formansvali fyrr í ár, ikki stillar upp aftur fyri flokkin.