Ferðatrupulleikar hjá KÍ síggjast aftur í norskum miðli
Verkfall hjá SAS gevur KÍ nakrar avbjóðingar uttanfyri vøllin og tað hevur norskur miðil fangað.
Norski miðilin an.no í Bodø hevur í kvøld samrøðu við ferðaleiðaran og miðlaábyrgdarfólki hjá KÍ, Solby Christiansdóttir. Greinin snýr seg um, at vegna verkfalli hjá SAS, so hevur tað verið ómøguligt at fingið alla útgerðina til Bodø. Í dag kom áleið helvtin av útgerðini fram. Tað merkir, at KÍ-hjálparfólk hava verið til handils í Bodø fyri at annað, hvat var møguligt at fáa har, at venjingin var flutt og at Bodø/Glimt hjálpti til við útgerð. Solby vísir á, at í KÍ vóru tey fyrireikað uppá, at trupulleikar kundu blíva, tí leikararnir fingu boð um undan fráferðini at hava dystarklæðir og gaggur við sum hondviðføri, skrivar an.no.
Eisini verður skrivað, at ógreitt er, hvussu KÍ-hópurin kemur heim aftur. Arbeitt verður bæði í Norra og í Føroyum við at finna eina loysn, um verkfallið hjá SAS stendur við hósdagin.