Longu í vikuskiftinum sum fór, byrjaði at fyllast upp kring um í býnum við kampingvagnum. Harafturat byrjaðu "gardinbátar" at leggjast afturat teimum, sum longu frammanundan lógu við bátabrúgvarnar sunnanfyri Varpið.

Nú er hósdagur og rættulig gongd er komin á festivalvirksemið. Ferðslan í býnum er trongd upp í ein krók, orsakað av plássinum, sum stóri Summarfestivalurin krevur. Vágin er stappað við bátum og heim eftir Klaksvíksvegnum kom ein skrúðgonga fylgd av stórum fylgið av vaksnum og børnum. Jú býurin stendur á øðrum endanum og fólk eru fróð. Árliga stóra tónleikatiltakið, sum nú hevur ligið stilt í tvinni ár, er aftur við at fara av barkastokki og tað setur dám á.

Í kvøld verður byrjað við Brimhvítt klokkan 19 í tjaldinum, kl. 19.45 er Esther Kristiansen á Torginum og kl. 20.30 tekur Kári Fossdalsá Torgið. Kl. 21.00 Eru Danny og Ingi á Vágsbøi, kl. 22.00 eru Stongunum, Guttesen og Ravnsfjall í Tjaldinum. Kl. 23.00 er Allan Walker á Vágsbøi, kl. 0030 Kim Hansen á Torginum og kl. 01.15 Signar í Homrum í Tjaldinum.

Vælkomin á Summarfestivalin 2022!!!