Lýsing
Lýsing
Lýsing

Beautemps-Beaupré úr Føroyum gjøgnum Djúpini

SKRIVAÐ: Tíðindaskriv  |  14.08.2022 - 17:25 Tíðindaskriv

Mikudagin 10. august kom franska havrannsóknarskipið Beautemps-Beaupré á Havnina.

 

Tað hevði ligið fyri akker í Nólsoyarfirði síðani týsdagin. Hetta var triðju ferð skipið kom til Føroya í sambandi við sínar rannsóknarferðir, sum snúgva seg um hydrografi og oceanografi við tí endamáli at dagføra sjókort.

Skipið er eitt av teimum sokallaðu hvítu skipunum hjá fronsku sjóverjuni. Tað siglir við einum stórum granskaraliði frá franska hydrografiska stovninum SHOM (Service hydrographique et océanographique de la Marine). Skipið hevur heimstað í franska havnabýnum Brest og er í hesum døgum í Norðuratlantshavi á granskingarferð. Skipið eitur eftir Charles-François Beautemps-Beaupré, sum var hydrografur og kartografur, og sum verður roknaður at vera faðir at nútímans hydrografisku vísindini.

Kapteynur á hesi ferðini er Matthieu Teisseire, kommandantur, frá Toulouse, útbúgvin á flotayvirmannaskúla í Brest, l’Ecole Navale. Hann hevur einaferð fyrr ligið fyri akker í Havn í eitt samdøgur við fregattini Latouche Tréville í juli í fjør, men tá bar ikki til at sleppa í land. So hesaferð gleddu kapteynur og manning annars seg til at seta føtur á land í Føroyum. Og føroyski blíðskapurin eins og náttúra og samfelagið annars vístu seg enn einaferð frá síni bestu síðu.

Nakrar kurteisivitjanir hava verið í landi eins og umboð fyri myndugleikar og viðkomandi geirar í Føroyum eisini hava vitjað umborð.

Í morgun, 14.august kl. 9.00 loysti Beautemps-Beaupré og silgdi úr Føroyum gjøgnum Djúpini.

Lýsing
Seinastu tíðindini
KREPPUHJÁLP TIL BREKØKIÐ - TALSFÓLK ER N…
Hví skulu vit melda okkum inn í alheims…
Tunnilin í Gøtudali
Lítil virðing fyri starvs­fólku­num elvir…
Hevur familjan tað gott, so hevur vinnan…
VALFUNDUR UM FÓLKA­SKÚLAN Í AULUNI Á NÁMS…
Hugleiðing um búskaparstøðuna - fyri at…
Faðir og barnið
Vit ungu eru framtíðin
Førleikameting, vaksnamannalæra og yrkis…
Kynda undir film – meira film
Hol er sett á!
Kostar einki at hækka skattafría markið
Elttør..
Teir fiska væl
Hví sjálvbjargni á orkuøki­num?
Framleiða Vetni innan trý ár! 
Arbeiðsmarknaðu­rin og tillagað starv
Heilsulýsing Lands­læknans fyri 2022 komi…
Valfundur á Sjónámi í Klaksvík