KÍ viðhaldsfólk ringdi til mín í morgun og boðaði frá, at tað sá út sum herverk var gjørt ímóti Djúpumýru í nátt. 

Hvat er hent vita vit ikki, men tá vit fóru á vøllin við myndatóli, vísti tað seg kanska meira at vera gáloysni hjá onkrum enn herverk. Pláststólar lógu slongdir um vøllin og eisini vóru dýru skiftirúmsstólarnir, sum fyri stuttum vóru fyri herverki, ikki tiknir inn, men stóðu úti, helst frá seinasta heimadysti.

Tað er nú ikki løgið at viðhaldsfólk halda eitt eygað við Djúpumýru nú tað er so stutt síðani at økið var fyri herverkið.