Hóast KÍ var illað mannað ímun til leikarar frá besta hópinum, so vann KÍ søguligan sigur í Trongisvági í dag.

KÍ vann heili 5-1 móti oddaliðnum í 1.deild. Á KÍ-liðnum vóru Kristoffur Jakobsen og Heðin Klakstein við, men annars var eingin, sum hevur byrja inni nakrantíð í bestu deildini. KÍ hevur í nýggjari tíð ikki vunnið so stóran sigur við næstbesta liðnum á Tvøroyri.

Málini hjá KÍ skoraðu Sølvi Johannesen, Jákup N. Vilhelmsen(2), Rógvi Ey. Jacobsen og Eivin Sørensen.