Tí fer at vera nakað av vindi frá sunnudegnum til týsdagin.

Taka vit hetta meira detaljerað, so er lítið lot av útsynningi í dag. Vindferðin er lítil, 2 til 7 m/s. Allastaðni skýggjað við sólglottum og turt. Hitin liggur um 10 til 12 stig.

Seinnapartin í dag og í kvøld fer hann ganga upp í vestan og so hækka upp í útnyrðing. Vindferðin fer allan dag at liggja um 2 til 7 m/s.

Tað hevur verið samdrigið ella skýggjað við sólglottum og turt allan dag. Eina løtu seinnapartin fara vit at hava ælaveður, og so er turt aftur í kvøld. Hitalagið fer at minka úr 10 – 12 stigum á middegi í dag niður í 5 stig á midnátt.

Í nátt minkar vindurin niður um 5 m/s, og ættin gongur niður í vestan. Loftið verður klárt við onkrum skýklodda her og har. Hitalagið í nátt fer heilt niður í 4 stig, men fer at hækka í morgin ári.

Seinnapartin og í annaðkvøld fer ættin niður í útsynning, vindurin veksur upp í 3 til 8 m/s, tað er samdrigið ella skýggjað og turt, og hitin fer at liggja um 10 til 12 stig.

Seint leygarkvøld ella sunnunátt er lágtrýstið komið so nær, at vit fara at síggja broyting í veðrinum. Vindurin fer at veksa av útsynningi. Sunnumorgun er vindferðin komin upp í 10 til 15 m/s, tað er blivið skýggjað og regn.

Um middagsleitið er ættin komin upp í vestan, vindferðin tann sama, um 10 til 15 m/s. Út á seinnapartin hækkar hann upp í útnyrðing, vindferðin veksur upp í 13 til 18 m/s.

Hitin sunnudagin fer at liggja um 12 stig á middegi, men hann minkar niður í 6 stig seint um kvøldið.

Taka vit mánadagin uppí, so er 13 til 18 m/s av útnyrðingi allan dagin, skýggja og ælaveður við regni og møguliga vátakava.

Gott vikuskifti.