Lýsing
Lýsing
Lýsing

Kenn tínar lyktir!

SKRIVAÐ: RFF  |  26.09.2022 - 09:00 Tíðindaskriv

Nú heystið er komið, gerast dagarnir myrkari. Vit skulu nú gera okkum til reiðar til myrku árstíðina og tá er hóskandi at kanna eftir, at bilurin er í fullgóðum standi, at allar lyktir eru í lagi og eru rætt stillaðar. Sløktar baklyktir, brostnar perur og skeivt stillaðar billyktir er nevniliga nakað, sum veruliga kann ørkymla í ferðsluni og hava við sær vandamiklar støður. Komandi vikurnar fer Ráðið fyri Ferðslutrygd, saman við Akstovuni, at varpa ljós á júst hetta.

Við útvarpslýsingum vísa vit á avbjóðingina, sum vit møta í ferðsluni, tá bilar til dømis koyra við sløktum baklyktum. Vit hava helst øll upplivað at koyra aftanfyri ein bil – kanska inni í einum tunli, ella í mjørka – við sløktum baklyktum. Vit gerast kløkk og hava kanska lyndi til at øsa okkum. Men hví hava vit so trupult við at tendra ljósini? Og nær kannaði tú seinast um allar perurnar lýsa á tínum bili?  

 

Ongantíð aftur sløktar baklyktir

Kanna at ljósini eru stillaði á nærljós, tá tú startar bilin. Tá lýsa ljósini framman, bakljósini og nummarplátuljósið aftan. Nærljósini skulu vera tendrað, tá sýnið er ringt, eitt nú tá tað kavar, regnar ella í mjørka. Tá tú koyrir í einum tunli, skulu ljósini framman og aftan altíð vera tendrað.

 

Eru lyktirnar stillaðar á ’auto’, tendra bakljósini ikki altíð. So tendra nærljósini, um tú vilt tryggja tær, at bakljósini altíð eru tendrað. Eisini í mjørka ella upplýstum tunli.

 

Kenn tínar lyktir

Sum bilførari er tað tín ábyrgd at hava eftirlit við, at lyktirnar eru rætt stillaðar og at tær lýsa, tá tær skulu.

 

Onkrar av lyktunum á bilinum verða sjáldan brúktar. Kanska ivast tú í hvat tey ymisku teknini merkja? Hvussu virka tokulyktirnar til dømis? Hvar tendrar og sløkkir tú tær? Og ert tú vís/ur í, at ongar perur eru brostnar?

 

Eini góð ráð eru at seta bilin framman fyri einum vindeyga, har tú kanst royna allar lyktirnar. Ella tú brúkar eitt av ’lyktaskeltunum’ sum eru á nógvum av bensinstøðunum kring landið. Soleiðis sært tú, um perur eru, sum ikki lýsa. Tú kanst eisini ganga rundan um bilin og kanna, um allar lyktir lýsa, sum tær skulu.

 

Brúka 5 minuttir at fáa skil á hesum meðan bilurin er parkeraður. Best er at gera hetta í myrkri. Parkera framman fyri ’lyktaskeltinum’, so tú sært lyktirnar framman speglast í rútinum. Tendra og sløkk ymsu lyktirnar og blinkjósini á bilinum. So sært tú, nær tær ymisku lyktirnar tendra og sløkna og hvussu tað sær út. Vend bilinum og endurtak royndina við lyktunum aftan. So veist tú hvussu allar lyktir virka, tá tú ein dagin fær tørv á hesum, meðan tú koyrir. Um tú noyðist at læra teg hetta og leita eftir røttu knøttunum meðan tú situr í bilinum í ferðsluni, kann tað verða vandamikið og tú kanst gerast gáloysin.

 

Fá fleiri góð ráð og royn tína vitan um ljós og lyktir her: https://www.rff.fo/ljos-og-lyktir

 

Lýsing
Seinastu tíðindini
USS New Hampshire í Nólsoyarfjørð
Ongin keta er sterkari enn veikasta liði…
Esmar Martin ársins fyrsta pisa á Tøknib…
Borgar­stjó­rin takkaði Vagn Foldbo fráfar…
Seinasta leikritið í hesum umfari
Farið er undir at fyrireika yvirtøku av…
Jarðhiti og Bora leggja saman í eitt fel…
Frændur á Tórsfest 2024
Amerikanskt HC-130J flogfar til Føroya
Latif fingið leikbann fyri at feira sigu…
Ein ófantalig órógvan!
Livur Skálagarður upp til endamálið?
Elsebeth spyr um starvs­fólka-og leiðsluv…
Trý bridgelandslið til EM
Trivnaðar­kanningin løgd fram
KÍ-kvinnur­nar spæla heimadyst á Svangask…
Loyvi at søkkja skip á Borðoyarvík til k…
Fríholt fingin upp á turt
Pensionistatúrur (60+) við Norðoya Gongu…
Stór og dýr lyftir um viðgerð frá Bárði…