Lýsing
Lýsing
Lýsing
Fyritøkan, KBI varð stovnað av Karl Birgir Isaksen í 2002 | Mynd: Dávur Winther

Netverksfundur hjá KBI

SKRIVAÐ: Tekstur og myndir: Dávur Winther  |  17.11.2022 - 13:04 Myndarøð Tíðindi Vinna

Í morgin bjóðaði Vinnulívsráðið til netverksfund hjá KBI í Klingrugarði.

KBI-fyritøkan var vertur fyri hesum fundi, men bjóðaði Jan Petersen, formaðir í Vinnulívsráðnum vælkomin.

Jan greiddi frá, at Jógvan við Keldu, samskipari hevði fingið fundin í lag saman við Karl Birgir Isaksen, sála fyrst í oktober. Tað setti sjálvandi hvøkk í, tá ið Karl Birgir bráðliga varð tikin burtur. Men høvdu tey valt at halda fast í fundinum, tó at hann var fluttur eitt sindur.

Hetta varð gjørt saman við teimum avvarandi og fyritøkuni annars, og var væl av fólki møtt upp til fundin í morgun.

Jan Petersen bað fundarfólki reisa seg og minnast Karl Birgir Isaksen eina stund, áðrenn fundurin annars helt fram, sum varð gjørt.

Rói Clementsen, sølustjóri greiddi síðani frá KBI, sum var stovnað av Karl Birgir Isaksen í 2002 og helt fyritøkan í fyrstu syftu til í gamla fjósinum hjá Kjølbro við Heygavegin.

Árið eftir 2003, kom Victor Dánjalsson upp í fyritøkuna og hevur verið við síðani sum ein sera tænastuveitandi og alt-vitandi maður.

Teir fingu í 2004 umboð fyri Castrol, sum rættiliga setti ferð á fyritøkuna. Árið eftir í 2005 bygdi KBI kendu høllina og handilin í Klingrugarð. Eisini er KBI partur av og eigur í kendari útkendskari handilsketu, Topco. Virksemið er bara støðugt og lagaliga vaksið, sum árini eru liðin, greiddi Rói Clementsen frá.

KBI veitir ymsar tænastur og ráðgevingar til fyritøkur. M.a. tí settu teir í 2008 rættiliga tekniska ráðgeving á stovn og settu í hesum sambandi Jógvan Isaksen, maskinmeistara í starv at røkja hesa uppgávu.

Umsetningurin, sum hevur verið støðugt vaksandi er mettur til at liggja um 37 mill í 2022.

KBI hevur størt netverk innan sín handil og tænastur: Skip, alivinnuna byggivinnuna, heilsuøkið, framleiðslur av ymiskum slag,  hotel- og cateringvinnuna og privatkundar eisini. Stóri dagligi handil til byggivinnuna við stórari goymslu er eitt av stekru vørumerkjunim hjá KBI, og hava teir eini 350 veitaraavtalur.

Tænasta - Góð tænasta er aðalmálið, sum Karl Birgir Isaksen hevur lagt í okkum, og ætla vit okkum at halda fram við tí, segði Rói Clementsen, sølustjóri.

Rói nevndi eisini ymsar fyritøkur, KBI hevur yvirtikið í seinastuni: Pólar, Skimma, Solberg, Tín lásasmiður.

Málið er í komandi ári at víðka um virksemi við enn størri handli, og merkir hetta eisini, at tey hava ætlanir um at byggja nýggjan goymslubygning á nýggja ídnaðarøkinum við Borðoyarvík.

Nethandil er eisini eitt mál og aðrar verkætlanir, sum Rói ikki kundi koma so nógv nærri inn á nú á góða og upplýsandi netverksfundinum í dag. Fyritøkan telur 23 starvsfólk.

Sanniliga ein fjølbroytt og spennandi fyritøkuna, sum verður ynskt alt tað besta, serliga eftir broyttu umstøðurnar!

Hetta var seinasti netverksfundur hjá Vinnulívsráðnum í Klaksvík í ár - 65 fyritøkur eru limir Vinnulívsráðnum í Klaksvík.

Lýsing
Seinastu tíðindini
Kavin hevur verið harður við haruna
Ragnar og Liz verða við á møtinum í Bete…
Sum smádrongur ræddist eg doktarabátin
Tvær kirkjur í Klaksvík
KÍ tapti í Gundadali
Hesir fiskaðu fyri mest í 5A í 2022
Myndarøð: KÍ kvinnur­nar vunnu stórt á 07…
Heim eftir Garðaveg­num í minninum
Verjir psykiatri­lógin veruliga?
Lea 34.31 og føroyskt met í 50 bringu
Eykaaðalfundur hjá Norðoya Bjargingarfel…
KÍ vitjar HB í morgin
Løgmaður Føroya og Ísrael
GLS 2023 - íblástur til leiðarar!
Býráðið vil tryggja gjaldførið
Veðrið um vikuskiftið
Fyrra steypakapping í estetiskum fimleik…
Poddvarp um sorg: Til tey, ið hava mist…
Holocaust minningarhald í Kelduni
Falkenberg sett upp á pláss – Javnaðarfl…