Í september skrivaði grønlendska felagið B67, at felagið hevði gjørt eina samstarvsavtalu við KÍ. Nú skrivar sama felag, at tveir leikarar skulu royndarvenja í KÍ. Felagið skrivar, at talan er um Rene Eriksen Petersen og Bastian Rosing. Teir hava verið á landsliðnum hjá Grønlandi í nøkur ár. Felagið skrivar, at teir fáa møguleikan at spæla seg til sáttmála á næstbesta ella besta liðnum hjá KÍ.