Lýsing
Lýsing
Lýsing

So knurraðu fólkatingslimirnir aftur!

SKRIVAÐ: Anfinn í Toft  |  24.01.2023 - 09:07 Politikkur Tíðindaskriv

Fólkatingslimirnir høvdu tí tænt fólki og landi okkara betri, um tey á Fólkatingi løgdu dent á, at Danmark má gera meira við, at virka fyri, at skaffa Føroyum betri atgongd til ES-marknaðin, heldur enn at leggja seg beinleiðis út í kjakið viðvíkjandi fiskivinnusamstarvinum við ógrundaðum útsøgnum.

At kríggið í Ukraina er ræðuligt, kunnu vit øll vera samd um!

At Russiska krígsmaskinan er óhugnalig, kunnu vit øll vera samd um!

At tað altíð eru tveir partar í einum kríggi, kunnu vit øll vera samd um!

Og at Føroyar hava søguligt fiskivinnusamstarv við Russar, kunnu vit øll vera samd um!

 

Men tað, sum undrar meg í hesum døgum, har føroysku fólkatingslimirnir, ið umboða Føroyar, hava orðið og verða spurdir um fiskivinnusamstarvið í Fólkatinginum, er:

  • Hví nýta teir ikki heldur høvið til at arbeiða fyri Føroyar?

 

Avgerðin um hvørt vit enda fiskivinnusamstarvið verður tikin í Føroyum av føroyingum á Føroya løgtingi.

Útsagnirnar hjá fólkatingsumboðunum kunnu tí ikki skiljast sum annað enn; beinleiðis trýst á føroyingar um at takað seg burturúr samstarvinum eftir egnari sannføring. Enn eru avleiðingarnar av hesum stigi í besta føri ógreiðar, bæði búskaparliga og framtíðarpolitiskt!

Fiskimálaráðið saman við øðrum stovnum er vónandi farið í holt við at greina støðuna eins og róð varð framundir í valstríðnum. Tað er fortreytin fyri at taka skynsamastu avgerðina samstarvinum viðvíkjandi. Tað verið seg fiskivinnumanninum við Barentshavinum sum livibreyð, meiniga føroyinginum, vinnulívsfyritøkunum og tjóðini.

Tað eru mong atlit, ið skulu verða vigað og vend, og mangar loysnir finnast fyri mangar fiskimenn og vinnulívsfyritøkur, áðrenn hendan avgerðin yvirhøvur skal hava færra av veruleika í sær!

Fólkatingslimirnir høvdu tí tænt fólki og landi okkara betri, um tey á Fólkatingi løgdu dent á, at Danmark má gera meira við, at virka fyri, at skaffa Føroyum betri atgongd til ES-marknaðin, heldur enn at leggja seg beinleiðis út í kjakið viðvíkjandi fiskivinnusamstarvinum við ógrundaðum útsøgnum.

 

 

Lýsing
Seinastu tíðindini
Veðrið í vikuni
Stjørnan á veg norður úr Vági við tveimu…
Tí hevur HB meldað avboð til Klaksvíkska…
Tríggir dagar við friði og ongari telefo…
Ein eyðkendur viðingur við Garðavegin
U10 hjá Team Klaksvík er í steypafinalun…
KÍ og Víkingur, kvinnur, í venjingardyst…
Teir fiskaðu væl í nátt
Størst avreiðingarvirði í bólki 4T í 202…
Myndir í trúnni
Úr bakskuti í framskut
Vitjan av lands­stýris­manninum
KÍ vann á Eiði
9 nýggir lærlingar í Articon
Føroysk framleiðsla í 135 ár
Luc Kassi fær sáttmála við KÍ
Veðrið um vikuskiftið
Heilsufótbóltur aftur á skrá
Hevur tú fingið spurnarblað?
Ert tú ”gudiligur”