Talan er um kapping, har ung og vaksin úr øllum Føroyum luttaka, og endamálið er at fyrireika tey ungu, ið skulu umboða Føroyar í norðurlendskari kapping millum ung í skúlaaldri. Hvørt ár sendir Talvsamband Føroya umboð til NM fyri ung í talvi, sum hesaferð verður í Norra 11.-13. februar.

Kappingin er harumframt partur av Grand Prix kappingunum, sum Talvsamband Føroya skipar fyri.

Íalt verða 7. umfør telvað: 3 kviktalv fríggjakvøld, 2 langtalv leygardag og 2 sunnudag.

Telvað verður soleiðis:

• Kappingin byrjar fríggjadagin, 27. jan. kl. 19.00, tá ið 3 kviktalv verða telvað (10 min. + 5 sekund fyri hvønn leik).
• Leygardagin og sunnudagin er tíðin 90 min + 30 sek/leik.
• Leygardag verður 4. og 5. umfar telvað, kl. 10.00 og kl. 15.00.
• Sunnudag verður 6. og 7. umfar telvað, kl. 12.30 og kl. 16.30.

Virðislønir verða latnar nr. 1, 2 og 3, umframt ratingvirðislønir.

Kappingin er almenn, og meira kunning er á heimasíðuni hjá Talvsambandi Føroya, www.faroechess.com, har leypandi úrslit frá kappingini eisini verða at síggja.

Klaksvíkar Talvfelag