Mesti spenningurin er í 1. deild. Sandavágs Talvfelag hevur verið einaráðandi í vetur og vunnið allar níggju dystirnar. Men kortini er eingin avgerð fallin enn. Føroyameistarnir úr Havnar Telvingarfelag eru tvey stig aftanfyri. 
 

Vágamenn standa seg tí við hálvumøðrum stigi í innanhýsis dystinum millum oddaliðini í seinasta umfarinum. Tað røkkur til FM-sigurin. Havnarmenn mugu afturímóti vinna finaluna á vágamonnum í minsta lagi 3-1. Gera teir tað, verður umdystur um FM-heitið við nýggjari finalu í kviktalvi sama dag. 
 
Talvsamband Føroya ætlar at vísa leikirnar á teimum fýra borðunum í FM-finaludystinum beinleiðis á heimasíðuni – faroechess.com, umframt frá hinum báðum dystunum í 1. deild. Byrjað verður klokkan 10 leygarmorgunin. 

Les meira her.