Visit Norðoy hevur gjørt samstarvsavtalu við Veðurstovu Føroya
Hetta inniber at frá nú av verða bara góð veðurtíðindi søgd um Norðoyggjar.
Theresa Turidardóttir Kreutzmann hevur verið í stjórasessinum í Visit Norðoy í ein mánaða, og longu hevur hon sett síni fingramerkir á ferðavinnuna í Norðoyggjum.
Okur mugu taka stýring á narrativinum um veðrið her norðuri, tí tað eru tær góðu søgurnar, sum okur mugu fortelja. Tær góðu søgurnar eru allastaðni, og tær mugu koma fram. Okur vilja hoyra um sól og lýkku, stjørnuklárar nætur og norðlýsi.
Hanus Kjølbro frá Veðurstovu Føroya fegnast um samstarvið, og sigur at hann fer at gera sítt til, at veðurtíðindini verða góð fyri Norðoyggjar.
Veðrið fáa vit onki gjørt við, men vit kunnu stýra hvussu vit tosa um tað. Um onki annað ber til, so kunnu vit altíð fortelja at tað eisini regnar í Havn, sigur Hanus Kjølbro, veðurkønur.