Í dag hevur KÍ ein av teimum á pappírinum torføru útidystunum, tá vit bara hugsa um mótstøðuliðini aftanfyri topp 4.

07 Vestur liggur á einum 5. plássi og felags fyri nærum allar dystirnar hjá 07 Vestur er, at teir hava bjóðað av. KÍ vann kanska tann tryggasta sigurin, men HB, B36 og Víkingur máttu stríðast hart fyri at vinna á vágaliðnum.

Hjá 07 Vestur hevur Magnus H. Jacobsen leikbann. Hjá KÍ væntast Markus O. Pettersen og Claes Kronberg at verða tøkir aftur eftir sjúku. Ivasamt er, um Patrick Da Silva verður klárur. Afturat teimum, so hava Heini Vatnsdal, Mads B. Mikkelsen og Páll A. Klettskarð mist onkrar venjingar í vikuni. Tað er tí ikki vist, at teir allir verða tøkir.

Dysturin í Sørvági byrjar kl. 15.00. Dómari verður Áki L. Hansen.