Lýsing
Lýsing
Lýsing
Hampuliga stórir bøklar norðan fyri Trøllanes. Hetta er óstøðug luft, og úr onkrum er avfall. | Mynd: Jose Romero Pina

Okkurt ælið í støðum

SKRIVAÐ: Hanus Kjølbro  |  23.05.2023 - 09:20 Tíðindi Veðrið

At veðrið kann vera - og er - sera ymiskt kring oyggjarnar, vita flest øll. Vanliga skylda vit uppá fjøllini, hvussu høg tey eru og hvønn vegin tey venda ímóti ella undan ættini.

Men tað er ikki bara tey, sum gera munin.

Ein útlendskur ferðamaður tók hesa myndina 4. mai í ár, meðan hann var á útferð norður á Kallin norðan fyri Trøllanes. Eitt grovt æl var nakað norðan fyri Kalsoynna.

Á myndini sæst bláur himmal millum hampuliga stórar bøklar, og fyriuttan hatta ælið er turt. Vindurin er lítil, tí als einki skúm er á alduryggunum. Ættina síggja vit ikki neyvt, men aldurnar benda á, at lotið er kemur eystaneftir.  

Aðrar áhugaverdar ábendingar eru eisini á myndini. Bøklarnir eru hampuliga stórir, og tað bendir á, at luftin er nokkso óstøðug. Luftin verður í støðum tvungin uppeftir, tí havið er heitari enn luftin. Á veg uppeftir kølnar hon, og tá ið hon er komin upp, har sum vit á myndini síggja skýfótin, er luftin vorðin so køld, at vatndampur fer úr og blívur til vatndropar. Teir gerast so við og við størri og tyngri og detta til endans niður.

Hyggja vit í veðurarkivið (www.vedrid.fo), hvussu veðrið var hendan dagin, so síggja vit, at ættin lá millum landsynning og landsynning eystan, vindferðin umleið 6 m/s, og hitalagið lá um 7 stig.  

Veðurkort frá 4. mai 2023, klokkan 00. Eitt máttmikið hátrýst liggur norðan fyri Føroyum. Trýstið í miðjuni er 1036 hPa. Einar 150 fjórðingar sunnan fyri Føroyar er ein hitabrúgv. Hon røkkur enn ikki norður til okkara.

 

Lýsing
Seinastu tíðindini
Alt til lands – í Norra
Nes Kommuna veksur við fullari ferð
Samgongan í spakuligari upploysn
NATO-flotavenjing í føroyskum sjóumveldi…
Blái Krossur Føroya hevur landsinn­savnan…
Veðrið um vikuskiftið
Til minnis um Steinfinn Matras
Størsti sigur hjá KÍ síðani 1998
10-0 til KÍ
Suðuroyar­tunnilin samtyktur við stórum m…
Myndarøð: KÍ - TB - 10 - 0
Ert tú við uppá eitt torg í Klaksvík?
Neystið viðspælari í miðbýnum
Sílaveiðitúrur á Skarvanes
Vælkomin til JØRÐIN KALLAR:
Okkum varð lovað styttri arbeiðviku, nú…
Vit hava duga væl at umstillað okkum
Upplatingartíðir fyri ferðafólk
Andreas og Terji vitja Norðlýsið
Niarn kemur til Føroyar