Upptakt: KÍ-B68
Í kvøld spælir KÍ longu aftur landskappingardyst.
Hesaferð vitjar B68 í Klaksvík. Og hóast stórur munur er á liðunum á stigatalvuni, so kann hetta fara at vísa seg at blíva ein spennandi dystur. Tí hann liggur millum tveir ’’stórar’’ dystir og tá plagar KÍ at skifta eini seks leikarar út og tað gevur avbjóðingar, tí liðið er ikki samanspælt og í rytmu. Tað sóu vit móti Víkingi, 07 Vestur og EB/Streymi, tá KÍ spældi við nógv broyttum liði, tí so tætt var millum dystirnar. Tískil er sannlíkt, at leikarar sum Markus O. Pettersen, Børge Petersen, Sivert Gussiås og Latif Ahmed spæla frá byrjan. Heini Vatnsdal og Claes Kronberg eru framvegis skaddir. B68 hevur ikki spælt landskappingardyst síðani 31. august.
Dysturin í Klaksvík byrjar kl. 18.00. Dómari verður Heini Z. Viðoy.