Lýsing
Lýsing
Lýsing
Mynd: Oliver Joensen

Alternativa KÍ-liðið hevur tað framvegis torført

SKRIVAÐ: Jákup Ósá  |  18.09.2023 - 20:35 Ítrottur Tíðindi

Eins og í øllum hinum trimum dystunum við alternativum liði vegna tætta dystarskrá, so hevði KÍ tað torført í kvøld.

Bæði í upptaktini hjá Norðlýsinum og í Fótbóltspráti hjá KVF vóru viðmerkjararnir samdir um, at hesin dysturin millum KÍ-B68 kundi fara at blíva nógv meira spennandi, enn stigatalva og søgan síðstu árini sigur. Orsøkin er, at nú KÍ spælir so nógvar dystir uppá so stutta tíð, so spælir liðið í nøkrum av dystunum við sera alternativari uppstilling, har stór útskifting er, sum so ger, at liðið sum spælir ikki er samanspælt og ikki í rytmu. Og har hevur tað víst seg, at KÍ í hesum dystum hevur havt tað torført. Og soleiðis bleiv eisini hesaferð.

 

B68 slapp at hava bóltin nógv

KÍ byrjaði í eini 3-4-3 leikskipan, til tíðir var 5-4-1. B68 slapp at hava bóltin nógv í fyrra hálvleiki og antin var tað fyri, at KÍ skuldi spara kreftir ella var tað venjing til altjóða dystirnar. Hetta vísti seg at geva B68-liðnum sjálvsálit, men púra óneyðugt gjørdi B68 brotsspark móti Sivert Gussiås og so kundi Árni Frederiksberg skora. Men áðrenn hálvleik javnaði Boubacar Dabo við góðum langskoti.

 

Hildu fast í trimum miðverjum

Í seinna hálvleiki setti KÍ seg meira á dystin og stóran part av hálvleikinum var einvegis ferðsla. Tvær ferðir raktu KÍ-arnir tvørstongina. Men inn vildi bólturin ikki. B68 hótti móti endanum aftur og kundi eisini havt skorað sigursmálið. Fyri at KÍ kundi lagt eitt enn størri trýst á saknaðu fleiri, at eini miðverjin bleiv tikin út fyri ein meir álopskendan leikara, so at hesin eini leikarin heldur gjørdi mun longri framm, tí tað er ikki ofta at vit síggja tríggjar miðverjar inni ein heilan dyst, har liðið eltir eitt mál og hevur stóra yvirvág. 1-1 gjørdist úrslitið, har tað eisini vóru fleiri dómaraavgerðir báðar, sum vóru nógv umrøddar.

 

FM-stríð er framvegis opið

KÍ hevur nú spælt fýra dystir við alternativum liði, har nógvir av bestu leikarunum verða hvíldir. Og var tað ikki fyri einum sigursmáli í yvirtíðini av yvirtíðini móti EB/Streymi, so hevði KÍ ongan dyst vunnið av hesum fýra dystunum. Javnleikurin í kvøld ger, at B36 framvegis er væl við í FM-kappingini, tí bara fýra stig eru á muni millum liðini. Tó hevur KÍ ein dyst færri, men liðini hava eisini ein innanhýsis dyst eftir í Gundadali í 26. umfari.

 

Lýsing
Seinastu tíðindini
Team Klaksvík fær vitjan av KÍF
Vit elska Klaksvík og KÍ
Stjørnan og EB sunnudagin kl. 13.30
Verður tað í morgin, at KÍ endur­vinnur F…
Nýggjur Gadus birtir vón
Frits væl fagnaður í Gallarí Havnará
ES-innflutn­ingur av russiskum flótandi n…
Umboð fyri Nes kommunu vitjaðu dagstovna…
Nýggjar kloakkir á Eiðinum
Russland og Ukraina samstarva um, at hal…
Bretar handla við Russland i milliardakl…
Hvar blivu lyftini um lættar og yvirskot…
Samstarvið við ES eigur at styrkjast
Fíggjar­lógin avspeglar máttloys hjá samg…
- Hetta veit vist nokk líka nógv um búsk…
Nordea-grunnurin vil stuðla við 100 mió.…
Býráðsminnilutin givið Anniku nevndarses…
Heimskendu Orphei Drängar vitja Varpið
Fíggjar­lógin 64 milliónir í halli
Leitar eftir upplýsingum um flatmaðk