Lýsing
Lýsing
Lýsing

Toskakvotan á Flemish Kap hækkar 92%

SKRIVAÐ: Tíðindaskriv  |  27.09.2023 - 17:46 Tíðindaskriv

Ársfundurin í NAFO (Northwest Atlantic Fisheries Organization) varð hildin í Vigo í Spania í døgunum 18.-22. september 2023. NAFO er millumtjóða fiskiveiðufelagsskapur fyri útnyrðingspartin av Atlantshavinum. Føroyar eru limur í NAFO, tí Føroyar hava kvotur fyri tosk, svartkalva, kongafisk og rækjur í havøkinum, sum NAFO umsitur. Føroyski parturin av toskakvotuni er 22,35%.

 

Á ársfundinum verður støða tikin til mest loyvdu veiðu, stytt MLV, fyri tey fiskasløg, sum eru í NAFO økinum. Hetta verður gjørt við støði í vísindaligu tilmælunum frá NAFO Vísindaráðnum. Eisini verða onnur mál viðgjørd, eitt nú eftirlit, økisfriðingar, frágreiðingar og uppskot frá sáttmálapørtunum.

Støddin á toskastovninum á Flemish Kap hevur verið skiftandi seinnu árini, síðan latið varð upp aftur fyri fiskiskapi í 2010. Útlitini fyri komandi tvey árini eru jalig. Vísindaráðið í NAFO væntar, at líkindi eru fyri, at bæði toskastovnurin og gýtingarstovnurin fara at vaksa, ella eru støðugir, um veiðitrýstið heldur seg undir burðardygga fiskimarkið. Sambært Vísindaráðnum ber til at fiska rættiliga nógv meira enn í 2023, tá MLV varð sett til 6.100 tons.

Limalondini eru sum heild samd um at lata toskastovnin koma fyri seg við at hava eitt varligt veiðutrýst. Hvussu varligt veiðutrýstið skal verða, eru limalondini tó ikki altíð samd um. Í tráð við vísindaliga tilmælið, eydnaðist tað at semjast um at seta MLV til 11.708 tons fyri 2024. Tað er ein hækking á góð 92%. Føroyska toskakvotan verður sostatt 2.617 tons. Kvotan hjá Føroyum fyri svartkalva verður 193 tons og fyri kongafisk 69 tons.

Rækjustovnarnir á Flemish Kap og Grand Bank hava trupult við at koma fyri seg, og limalondini vóru samd um at halda á fram við veiðubanninum á bæði Flemish Kap og Grand Bank. Rækjurnar á Flemish Kap verða umsitnar við fiskidøgum. Vísindaráðið hevur í fleiri ár mælt til at fara frá fiskidagaskipanini, tí hon elvir til eitt ov høgt veiðutrýst. Ein nýggj skipan við kvotum og MLV hevur javnan verið umrødd og var eisini á skrá hesu ferð. Tað eydnaðist ikki limalondunum at semjast um eina nýggja umsitingarskipan.

Lýsing
Seinastu tíðindini
Jógvan Arge signerar í ALFA fríggja­dagin…
CEF-samgongan í ferð við at birta nýtt s…
Føroyar og Bretland skulu knýta sterkari…
Hetta sigur Magne Hoseth um skaðastøðuna…
KÍ ynskir at broyta sínar lógir
Jógvan Arge signerar í Alfa bókhandli fr…
Tryggingarkundar sleppa undan bíðitíð ti…
Krepputilbúgvingin skal verja øll
Hanus Toftheyggj nýggjur stjóri í Sjúkra…
Bil-leygardagur á Toyota í Klaksvík
Jólahugni í Plantasjuni
Betri umstøður í bátahyli­num á Borðoyarv…
Nýtt rørportur í Árnafirði
Bakkafrost við á heimsins fyrsta 100% gr…
Avgjørdu dystin við góðum endaspurti
Politikarar válka sær í peningaligum ser…
KÍ uttan Árna Frederiksberg og Jóannes B…
Sanna Dahl á Bókasavninum
Greining um avgerandi dystin hjá KÍ móti…
KÍ-leikari hevur fingið álvarsaman skaða