Frits er so mangt: myndlistafólk, røktingamaður, tónasmiður, sangari, kórleiðari og ikki minst málkønur.

Eisini er hann menniskjakennari og hevur eitt lætt sinni. Hann er altíð áhugaverdur at práta við, og hevur hvør mynd hansara altíð eina langa søgu. Eingin er málað av tilvild.

Frits megnar so meistarliga væl at samantvinna, tónleik, sang og spæl uppí sín serstaka listaheim – ofta í einum kendum bygdalagi. Hesi eru afturvendandi myndevni hansara - ferð eftir ferð.

Til hesa serstøku framsýning hevur Frits heili 41 nýggj verk, sum hann hevur málað til hetta høvið.

Listaverkini kallar hann stundum fyri síni penslabørn.

Til ferniseringina fara nakrar av kvinnunum í gamla Fuglafjarðar gentukóri (sum hann kallar síni børn) at syngja. Somuleiðis verður okkurt til góman.

Framsýningin letur upp kl. 16:00 í morgin fríggjadagin og er opið til sunnudagin 8. okt.