Summar Festivalurin, sum er størsta tónleikatiltak í Føroyum, verður hildin dagarnar 8. til 10 august 2024.

Næsta ár eru liðin 20 ár, síðani fyrsti Summar Festivalurin varð hildin í Klaksvík í 2004. Tveir festivalar vórðu avlýstir orsakað av koronusmittuni, men síðani hava tveir festivalar verið hildnir, og í fjør vóru sera nógv fólk á festivali.

Nú er forsølan til Summar Festivalin 2024 byrjað. 1000 atgongumerki verða seld fyri bíligasta prísin. Tá ið tey eru seld, hækkar prísurin.

Vikuskiftispass kunnu keypast í Telebúðum og á heimasíðuni atgongumerki.fo.