Tað bleiv eitt tepurt tap í Oslo í venjingardystinum í kvøld.

Norra vann 2-0 uppá tvey mál fyrra part av fyrra hálvleiki. Føroyingar høvdu tað sera torført í fyrra hálvleiki, tá tað kundi verið meir enn 2-0. Í seinna hálvleiki, tá Norra skifti Erling Haaland inn, so væntaðu heimaáskoðararnir kanska fleiri mál, men so bleiv ikki. Føroyingar fingu gott tamarhald á verjupartinum og Norra kom bara til ein stóran málmøguleika, tá Erling Haaland misnýtti.

Føroyingar fingu roynt nakur ting og onkrir leikarar fingu møguleikan. Eingin skaði kom og tí er hópurin væl fyri til EM-undankappingardystin í Albania mánadagin.