Føroysku bókasøvnini skipa fyri pallborðskjaki á Bókadøgunum undir heitinum, "Býarmenning og fólkabókasøvn". Fólkabókasavnið er bæði ein tænasta og eitt fysiskt stað, og kann fatast sum eitt víðkað býarrúm. Eitt rúm í býnum, sum er karmur um upplivingar, kreativitet og sosiala samveru, men eisini um læring, lesing og hugdýping.

Kann bókasavnið vera við at mynda býin og geva býnum samleika og samanhang? Og hvussu kann fólkabókasavnið vera við at menna spennandi, kreativar og innovativar býir, har fólk trívast og støðast?

Tað verður Ivan Niclasen, kringvarpsstjóri, sum kemur at stýra kjakinum, og við pallborðið sita:

·       Ósbjørn Jacobsen, arkitektur

·       Annika Egholm, býarbókavørður í Klaksvíkar kommunu

·       Tórbjørn Jacobsen, borgarstjóri í Runavíkar kommunu