Í gjár bórust tíðindini at Kavarin var settur at røkja leiða 58 fyri Rituna, ið hevið maskinbrek. Strandferðslan hevði funnið eina tvikilju at reka ferðafólkaflutning á opnum havi. Hetta stóð at lesa á heimasíðuni hjá Strandferðsluni

Tíðindini høvdu ikki ligið leingi á heimasíðu okkara og so fóru ting í sving. Tað vísti seg nevniliga at Kavarin onki ferðafólkaloyvi hevði. Nú ber til at lesa á heimasíðuni hjá Strandferðsluni at Tjørnunes røkir leið 58.  

Tjørnunes er bygdur í 1993 og er 46 bruttotons. Skipið hevur hoyrt til Klaksvíkar Sleipistøð, og eigarin í dag er Sp/f Búrhella. Skipið er góðkent til at taka 12 ferðafólk, og hevur eina motororku uppá 1.100 kilowatt. Sagt verður, at hetta er ein rættiliga skjóttgangandi bátur, so líkt er til, at fugloyingar og svínoyingar loksins hava fingið eina brúkiliga loysn.