Gomlu handilshúsini hjá Norðoya Fornminnasavni, hava rættiliga fingið eitt afturlítandi lyft við alkyns handilsvørum afturi tíð, eins og krambafólkini eisini gingu í klæðum frá teirri tíðini.

Tiltakið og pallmyndin er inspirera frá 60´unum. Talan er um eitt samstarv millum Johan Holm Simonsen, Visit Norðoy og Norðoya Fornminnissavn, sum er gingið í gott lag, ið fremur hesa heilt serligu uppliving. Hana mást tú royna! 

Tú kanst keypa tálgasápu, men eisini lekrastu køkur frá Mariettu ella Jórun.

Íbúðin hjá apotekaranum er sett í gamlan hugnaligan stand við gomlum tátíðar innbúgvi, har nostalgi og romansa fekk frítt spæl.

Sera áhugavert og annarleiðis og veður vónandi standandi soleiðis í rúma tíð – Tú kanst eisini keypa eldri gávulutir og køkur heim við.

Í dag, sunnudagin er opið frá kl. 16 - 20. Nýbakaðar vaflur og kaffi eru eisini á borðseðlinum!

Hetta kann bert upplivast – síggj til, at tú fert á vitjan her fyri jól, við øllum tí jólahugna, ið har er!