Sum fyrireiking til Conference League dystin í Fraklandi hóskvøldið spælir KÍ venjingardyst móti Víkingi.

Víkingur er nokk tað liðið í Føroyum, sum venur mest, um vit hyggja yvir longri tíðarskeið síðstu árini. Í Sarpugerði er vetrarvenjingin langt síðani farin í gongd og síðsta vikuskiftið spældi Víkingur 2-2 javnleik móti B36 í venjingardysti. Har sóu vit, at Víkingur í stóran mun brúkti sínar ungu leikarar og soleiðis verður helst eisini hesaferð.

KÍ hevur undan dystunum í 4. og 5. umfari spælt innanhýsis venjingardyst, men hesaferð verður tað móti einum øðrum felag. Helst fer dysturin at geva eina ábending um, hvussu KÍ-venjarin ætlar at blanda kortini hóskvøldið. 

Venjingardysturin í Klaksvík í dag byrjar kl. 12.00.