Lýsing
Lýsing
Lýsing

Menninir frá bátsvanlukkuni við Stengarbátinum vóru uppkallaðir

SKRIVAÐ: Jákup Andreasen  |  02.04.2024 - 14:30 Tíðindi

Tvey av hesum trimum vesaligu sambygdu húsunum á Stongunum í Klaksvík vóru rakt av bátsvanlukkuna við Stengarbátinum í 1883, tí tveir av manningini, sum búðu í tveimum teimum sunnastu húsunum, vóru við á ferðini.

 

Kollfara-Jógvan, sum búði í teimum mittastu húsunum, var tann einasti, sum kom frá bátsvanlukkuni við lívinum, meðan Niels Volles, sum búði í tí sunnasta partinum, og sum var sonur Skipar-Hansen, sjólætst saman við seks øðrum monnum. Í teimum norðastu húsunum búði Sámal Jákup Samuelsen, sum var beiggi Kollfara-Jógvan.

Teir vóru farnir til Havnar henda morgunin um 10-11 tíðina, og Jóan Petur á Stongunum, sum átti bátin, var við á ferðini, men hann skuldi ikki við norður aftur. Teir komu til Havnar um fimm tíðina seinnapartin, har teir steðgaðu einar tríggjar tímar. Tá teir fóru av Havnini var ein ond beint lágt, men teir høvdu ikki seglið á, fyrr enn teir komu norður móti Eystnesi. Komnir norður í Leirvíksfjørð, gekk hann eysturá, men tá kom seglið rangt, og báturin fór runt so knappliga, at ongin gáaði eftir tí. Tríggir mans komu á kjøl í fyrstu syftu, men báturin fór runt fleiri ferðir, og endin var, at tað bara var Kollfara-Jógvan, sum kom frá tilburðinum við lívinum.

Kollfara-Jógvan giftist um 1878 við Mariu Heinesen úr Elduvík. Tey høvdu bæði frammanundan tænt í Mikladali, og búsettust á heysti í 1879 á Stongunum, har Jógvan fekk eina hálva trøð. Tey fingu fimm døtur, sum fingu nógvar eftirkomarar. Tann triðja dóttirin giftist Jóannes Matras á Heygnum, og hon varð uppkallað eftir monnunum, sum fórust við Stangarbátinum. Hon varð navngivin Thomasie Johanne Andrea Daniella Nicolina Samuelsen f. 1884

Lýsing
Seinastu tíðindini
Listaframsýning við Heðin Kambsdal
Mjølnir enda á heimavølli í dag
Metingar um 6. umfar
- Vit eru svangir at svara aftur
Kanjon: Stoyptu 710 rúmmetrar uppá 14 tí…
Beinleiðs stroyming: Stór svimjistevna í…
Upptakt: KÍ-B68
Tessa á OY Voxbotn 2024
Elsebeth Mercedis: Vit eiga framhald­andi…
Heðin Mortensen stillar upp aftur
50 ár síðan Reyðu Khmerdrápini
Verja og visiónir
Eina stóð ph.d.-verjuna væl og virðiliga
Grant er í Klaksvík hvønn dag
Landið má leggja trýst á kommunur
Sáttmáli undirskrivaður um lækna­miðstøði…
Aðalfundur verið í Íverksetara­húsinum
Methøg søla av elorku og methøg framleið…
Virkið vár byrjar og endar við renning
33 nýggjar íbúðir á Argjum