Upptakt: Skála-KÍ
Eftir ætlan verður týdningarmikil landskappingardystur á Skála.
Skála hevur trý stig KÍ seks stig undan 4. umfari. Til hendan dystin liggur trýstið á KÍ, sum skal møta uppflytarunum á Skála, har KÍ mangan hevur havt tað torført.
Hjá Skála hevur Teitur Poulsen leikbann. Hjá KÍ eru Hallur Hansson, Heini Vatnsdal og Odmar Færø skaddir. Hinvegin er Børge Petersen tøkur aftur. Ivamál er um Jákup B. Andreasen, Jóhan Josephsen og Patrick Da Silva. Hesir báðir fyrru vóru ikki við seinast, meðan Patrick Da Silva hevur havt skaðatrupulleikar.
Dysturin á Skála byrjar eftir ætlan kl. 17.00, men tað verður avgjørt um middagsleiti, um dysturin verður spældur ella um hann verður útsettur vegna ivasama veðurforsøgn við vindi og regni/kava.
Dómari verður Kári á Høvdanum.