Alla vikuna var veðrið var av tí fagrasta, og møguleikarnir fyri at vera virkin, saman og hugbundin vóru fjølbroyttir, kanska einamest av, at samstørvini ár eftir ár økjast.

Stovnar, áhugafeløg, fyritøkur, ítróttafeløg og einstaklingur síggja tíbetur stórt virðið í at gera okkurt munagott fyri sálarligu heilsuna hjá okkara borgarum, tí uttan hesi samstørv hevði tað verið torført at gjørt eina áhugaverda skrá.

Onkuntíð verður ivamál sett við, hvørt tað er neyðugt at seta hetta á breddan, tí í gerandisdegnum eru fólk í stóran virkin, saman og hugbundin. Men at leggja til merkis hvat samvera ger, tá ið vit eru saman, virkin og hugbundin, hugsa vit kanska minni um. Virkið vár vikan er tí eitt upplagt høvi at merkja eftir, hvat slag av samveru og virksemi gagnar heilsuni. Fyri nøkur er tørvur á, at leggja størri dent á at vera hugbundin, onnur hava tørv á onkrum nýggjum felagsskapi, og upp aftur onnur hava tørv á, at vera meira virkin. At gerast tilvitaður um, hvør tørvurin er, kann bæði betra og stuðla undir eina góða sálarliga heilsu.

Takk fyri, øll tit sum hava stuðlað undir hetta góða átak.