Lýsing
Lýsing
Lýsing

Skal samstarv millum almennar stovnar avtalast?

SKRIVAÐ: Ben Arabo, skattgjaldari  |  22.05.2024 - 15:38 Lesarabrøv Tíðindi

Er tað stórtíðindi, at tríggir almennir stovnar fara at samstarva um eitt øki?

 

 

Í gjár fingu vit á ein ikki sørt hátiðarligan máta at vita, at 3 landstýrisfólk hava skrivað undir eina trípartaavtalu um samstarv um umhvørviseftirlit við skipum. Sagt verður, at avtalan markar arbeiðsbýtið millum Vørn, Sjóvinnustýrið og Umhvørvisstovuna.

Er tað stórtíðindi, at tríggir almennir stovnar fara at samstarva um eitt øki?

Hvat hava hesir stovnar gjørt higartil?

Ditta teir sær nakað annað enn at samstarva?

Sjálvandi skal man marka arbeiðsbýtið millum almennar stovnar. Tað so sjálvsagt, at tað er rættiliga ófrættakent hjá einum skattgjaldara at síggja, at man noyðist at gera trípartaavtalur, um nakað sum eigur at verða ein sjálvfylgja, og sum eigur at verða ornað innanveggja sum partur av dagliga rakstrinum av almenna geiranum.

Ein sjálvfylgiligheit, sum at tríggir almennir stovnar skulu samstarva um eitt øki, er eftir mínum tykki ikki nakað, ið skattgjaldarin skal forstýrast við í miðlunum.

At síggja eina mynd av trimum landstýrisfólkum úr somu samgongu við somu samgonguleiðslu undirskriva eina avtalu um at almennir stovnar skulu samstarva, er sum at síggja eina mynd av einum persóni, ið tekur í hondina á sær sjálvum fyri at avtala arbeiðsbýtið millum høgru og vinstru hond.

Eftir situr man sum skattgjaldari við spurninginum, um hetta merkir, at einki samstarv er millum allar teir almennu stovnarnar, ið ikki eru umfataðir av slíkum almannakunngjørdum avtalum millum landstýrisfólk.

 

Ben Arabo, Skattgjaldari

Lýsing
Seinastu tíðindini
Bólkur 5A hevur 916 dagar eftir
MEGD fær nýggja forkvinnu
Fyrileystrar í Finsen Tórshavn
Føroyska seyða­hundalands­liðið kappast í…
VB: Vit vilja seta trygdina fremst
Lívið er tann størsta gávan, sum er og n…
Alt sprettur úr hugsjón­ini um umsorgan,…
Ongin spenningur um FM - Tíðin er komin…
Sjógvpumpu­skipan til Elverkið á Strond (…
Tøkk – Ægir 50 ár
Áskoðaraskýlið á Svangaskarði
Tey venja leik í Spinnarínum
Innangarðsútskiftingin í Haraldssundi
Heðin og Fríða vitja Norðlýsið
Starvs­fólk til Blómugarð á Húsum
Vísindavøka á ferð á Sørvágs Bókasavni í…
Ólógligar loyndar sjúkuskráir – amboð a…
Stradivarius í Løkshøll og Hátún
Drama í Sambands­flokki­num
Fríði Sigurðsson settur sum nýggjur stjó…