Lýsing
Lýsing
Lýsing

Samstarv um føroysku kostráðini

SKRIVAÐ: Tíðindaskriv  |  11.06.2024 - 10:00 Tíðindaskriv

Føroyar eru eitt fjarskotið oyggjasamfelag við einari serstakari matmentan og náttúrugivnum matvørukeldum, ið eru øðrvísi samansettar enn í grannalondunum. Í Føroyum er tí neyðugt at viðgera yvirskipaðu tilmælini um kostráðini og síðani á eintýddan hátt at kunna almenningin um tilmælini

 

Margit Stórá, landsstýriskvinna í heilsumálum, og Høgni Hoydal, landsstýrismaður í uttanríkis- og vinnumálum, hava skrivað undir avtalu um samstarv millum Heilsufrøðiligu starvsstovuna og Heilsustýrið um føroysku kostráðini.

Nýggju norðurlendsku tilmælini um kost og føðslu vórðu løgd fram í fjør. Tilmælini eru grundað á felagsnorðurlendskt arbeiði og skulu síðani lagast til serligu viðurskiftini í hvørjum Norðurlandi sær.

Fyri at røkka norðurlendsku tilmælunum eru landsstýrismaðurin í uttanríkis- og vinnumálum og landsstýriskvinnan í heilsumálum samd um, at avvarðandi myndugleikar á økinum skulu samstarva um kost, føðslu og fólkaheilsu.

Tveir myndugleikar eru á økinum. Øðrumegin er Heilsustýrið, sum sambært løgtingslóg um Heilsustýrið varðar av fólkaheilsuarbeiði, upplýsing, og tiltøkum innan fólkaheilsu sum heild, og sum skal umsita og styrkja heilsufremjandi partin av arbeiðinum við fólkaheilsu. Hinumegin er Heilsufrøðiliga starvsstovan, sum sambært matvørulógini hevur ábyrgdina av, at brúkararnir fáa upplýsing um viðurskifti, sum lógin fevnir um, eitt nú um føðslu.

Málið við samstarvinum er at tryggja, at almenn tilmæli um kost og føðslu eru fakliga grundað og væl viðgjørd, og at kunningin til brúkaran er eintýdd og greið.

Avtalan kann lesast her – Avtala um samstarv millum Heilsufrøðiligu starvsstovuna og Heilsustýrið um føroysku kostráðini

Lýsing
Seinastu tíðindini
Listafólk tryggjað eftirløn og ein nýggj…
Innskriving til 1. flokk komandi skúlaár
Sløkkiliðsleiða­rin: - Ein ótrúlig væta
Styrktur Ríkisfelagsskapur
KÍF á triðjaplássi eftir sigur á Mjølni…
Javnleikur í toppdysti
Útsynningur alla vikuna
Sera ring koyrilíkindi
Stjørnan í hálvfinaluni í steypakappingi…
Hesa ferð vann ÍF fimmsettaran á Fleyr -
Hetta er venjaratoymið hjá KÍ í 2025
Hvørja støðu velja vit at taka?
Mjølnir - KÍF kl. 16.00
Evangeliskt sangmøti í Hermon í Norðdepl…
Kom og Spæl Føroyskt
Føroyar mugu fáa størri sjálvræði
Ein góður túrur á floti í gjár
Ósemju­nevnd til hvat?
Hvørjar Føroyar?
Burðatalið vaks í 2024 - og fleiri nýføð…