Tiltakið byrjar við framløgu frá Betri, sum hevur gjørt stóra greining av støðuni á bústaðarmarknaðinum, og eftir hetta verður hugt at ymiskum loysnum at koma hesum avbjóðingum til lívs.
 
Jógvan Ósá, sum í næstum byrjar sum stjóri í Bústaðum, kemur at greiða frá sínum royndum frá Eystur- og Klaksvíkar kommunum, har hann hevur starvast sum tekniskur stjóri seinastu árini.
 
Hervør Pálsdóttir, forkvinna í rættarnevndini, sum viðgerð bústaðarmál á løgtingi, greiðir frá framdum átøkum og ætlanum á økinum, meðan Anfinn í Toft, valevni hjá Tjóðveldi til kommunuvalið, fer somuleiðis at greiða frá sínum tankum um loysnir.
 
Eftir hesar framløgur er lagt upp til opið kjak um loysnir, so bæði tey, sum hava tankar um bústaðaravbjóðingina og tey, sum kunnu gera nakað við støðuni, kunnu fáa nógv burtur úr einum tiltaki sum hesum.
 
Øll eru hjartaliga vælkomin.