Tak yvir høvdið!
Klaksvíkin skal hava fleiri íbúðir til tey ungu, sum vilja seta búgv í Klaksvík. Kanningin vísur, at tað eru tey sum eru millin 18 til 29 ár, sum mest mangla eitt stað at búgva. Ítrottur fyllir nógv og hann skal man eisini hava, men vit mugu prioritera at skaffa teimum ungu tak yvir høvdið
Fólkatalið skal vaksa
Eitt tað fyrsta kommunan eigur at arbeiða við, er at fáa fólkatalið upp í Klaksvík. Tað er ikki ein sjálvfylgja, at Klaksvíkin liggur nr. 2 í kommunustødd og Runavíkar kommuna er ikki so langt burtur frá okkum. Eg haldi, at kommununan komandi 4 árini eigur at seta sær sum mál at skaffa bústaðir til øll tey, sum vilja búgva í Klaksvík.
Loysnin til bústaðarneyðina er at hækka útboðið. Útboðið skal lagast eftir eftirspurninginum. Landsstýrið hevur givið kommununi heimild at byggja íbúðir saman við Bústøðum, so vit mugu seta okkum sum mál at byggja so nógvar íbúðir í Klaksvík sum møguligt. Í Klaksvík hava vit ikki so nógv lendi eftir at byggja á, so tað skilabesta er at byggja íbúðir. Hetta er mín bústaðarpolitikkur í Klaksvík! Tað er so simpult.
Bíligir bústaðir
Bíligir bústaðir koma ikki fyrr enn útboðið er á hædd við eftirspurningin. Býlistuðul er ein møguleiki sum verður nevndur í hesum sambandu, og sum vit kunnu veita í framtíðini til tey sum eru fíggjarliga illa fyri. Enn er onki lógarverk á økinum, og kommunan er illa fyri fíggjarliga, so býlistuðul er ikki ein møguleiki beint nú.
Tað eru vit ungu sum skulu seta føtur undir egið borð. Eg vil arbeiða fyri at allir klaksvíkingar fáa møguleikan at búgva í Klaksvík!
Petur Asano, valevni fyri Miðflokkin