Tað er eingin loyna, at fótbóltur snýr seg sera nógv um at hava rætta vinnarahugburð, og vónandi fara KÍ-leikararnir veruliga at finna vinnaraviljan fram í dystinum í Havn komandi sunnudag.

Sambært venjaranum hjá B36 er KÍ ikki so gott, og tí er enn meir tørvur á, at okkara menn reisa seg og kempa til síðsta mann og bríksl sunnudagin.

Kappingin er ung enn, og tí eru allir menn ikki fult samanspældir, sum vit eisini sóu í fyrsta heimadystinum hjá KÍ ímóti 07 Vestur, sum KÍ tó vann 3-1.

Tí er tørvur á, at menn lyfta sítt støði og veruliga standa saman komandi sunnudag, soleiðis at útsøgnin hjá B36-venjaranum ikki verður váttað, men heldur avsannað. KOYR Á KÍ !!!