KÍ hevur síðani 2021 spælt sínar heimadystir í Klaksvík fyrstu tvey umførini, har loyvið er, meðan Víkingur síðstu tvey árini eisini hevur spælt altjóða dystir í Klaksvík.

Nú er møguleiki, at eitt lið legst afturat. NSÍ hevur sent eina umsókn inn til Klaksvíkar kommunu, men enn hevur felagið ikki fingið svar. Tað váttar Karstin Joensen, formaður, fyri Norðlýsinum. Tó kann tað blíva ein trupulleiki, um KÍ og NSÍ trekkja heimavøll sama dag í Conference League, tí eingin dystur skal verða á vøllinum dagin fyri dyst og tí ber ikki til at spæla dag um dag. Men gera tey ikki tað og Klaksvíkar kommuna sigur ja, so fara trý av fýra feløgum at spæla sínar heimadystir í Klaksvík í 2025.