Tað var næstan eitt stórt úrslit í Kekkia í kvøld, men endin var at Kekkia vann við einum máli.

Nýggja byrjanin hjá Føroyum fekk eina góða byrjan, hóast eitt tap stendur eftir. Tí Føroyar skoraðu fyri fyrstu ferð nakrantíð móti Kekkia, tá Gunnar Vatnhamar skallaði hornasparksinnlegg frá Adrian Justinussen í málið í 83. minutti til støðuna 1-1. Men bara minuttin seinni svaraði Kekkia aftur og eins og fyrru ferð, so var tað Patrick Schick, sum til dagligt er toppskjútti hjá Leverkusen, sum skallaði innlegg í málið.

Stór framstig at hóma á føroyska liðnum móti so góðum liði, hóast vónbrotið at missa seint í dystinum, men hetta eigur at geva vónir fyri góðum úrslitum framyvir. Longu týskvøldið er dystur aftur, tá Montenegro er vertur í einum dysti, sum á pappírinum gevur Føroyum betri møguleikar at fáa stig.