Lýsing
Lýsing
Lýsing

SF: Vit koma við nógvari orku og gleði

SKRIVAÐ: Jóhann Lützen  |  05.08.2025 - 12:45 Mentan Tíðindi

– Eg upplivi sambandið millum Dynamit og Vágsbø sum ófatiliga sterkt og gevandi, sigur Niclas Heri Jákupsson

 

Fríggjakvøldið spælir væl umtókti poppbólkurin Dynamit á Vágsbø.

20 ár eru liðin, síðani bólkurin spældi á Summar Festivalinum fyrstu ferð, og í ár fyllir stóra hittið hjá bólkinum, "Grøv nummar 13", 40 ár.

Dynamit hevur havt nakrar ógloymandi framførslur á Vágsbø ígjøgnum árini. Bólkurin spældi fyrstu ferð á Summar Festivalinum í 2005, og tað varð stóra endurreisnin hjá bólkinum, sum var nakað gloymdur, og í grundini var meira ella minni givin at spæla live.

Framførslan í 2005 var framúrskarandi, og móttøkan var betur, enn nakar hevði væntað. Dynamit hevði gjørt comeback, og bólkurin gjørdist eftir hetta størri, enn hann nakrantíð áður hevði verið.

Dynamit hevur regluliga spælt á Summar Festivalinum, og tað hava verið minniligar konsertir. Fáir ella eingir bólkar megna sum Dynamit at fáa lív í Vágsbø. Og í ár – 20 ár eftir fyrstu framførsluna á Summar Festivalinum – verður aftur møguleiki at uppliva Dynamit á stóra pallinum á Vágsbø.

– Vit hava havt nakrar fantastiskar løtur á Vágsbø, og vit gleða okkum at spæla aftur á Summar Festivalinum. Eg upplivi sambandið millum Dynamit og Vágsbø sum ófatiliga sterkt og gevandi. Tað kemur ein øgiliga meg frá teimum mongu fólkunum, sum syngja við, og tað gevur okkum enn meira orku at geva nakað aftur. So ein konsert við Dynamit er eitt samspæl millum bólk og áhoyrarar, sigur Niclas Heri Jákupsson, oddamaður í Dynamit.

 

Her ber til at síggja video-samrøðu við Niclas Hera Jákupsson:

 

 

Lýsing
Seinastu tíðindini
Málveitsla í Vági
Gongur skjótt undan við eplunum
Egna niðurfyri hjá Bjørgvin
Syngja fyri sjúklingunum
Epli av Sandi
Upptakt: FC Suðuroy-KÍ
Veðrið um vikuskiftið
Akademi­stjó­rin hjá KÍ er settur sum tekn…
VILMUND á veg til Rødbygaard – brot úr l…
Fimm mans í áttatiáru­num mintust sluppin…
Føroya Skipara- og Navigatør­felag stórst…
Melda til heilsufótbólt 2025
Norð­urlanda meistaraheitið fyri seyðahun…
Tjóðstarta við hugnaløtu og dansi fríggj…
Lands­stýris­kvinnan í umhvørvismálum á vi…
Barentshavið fyri hóttafalli orsaka av æ…
Eiga at kanna fortíðina
Aksel Remmel við nýggjum staklagi
Gjaldstovan er á Vanganum - betri yvirli…
Í gjár hevði Linda Laksáfoss sín seinast…