Norðurlanda meistaraheitið fyri seyðahundar 2025 Trondheim, Noreg 29.–31. august 2025

Kappingin savnar tey fremstu seyðahunda landsliðini úr Føroyum, Noregi, Svøríki, Danmark og Finlandi, og verður hon hildin yvir tríggjar dagar: fríggjadagin 29. august til sunnudagin 31. august. Skipan av kappingini: • Fríggjadagur:

Hundarnir byrja eftir eini skipan, sum byggir á úrslitini frá teirra heimlandskappingum.

• Leygardagur: Startlistin verður settur eftir hvussu hundarnir kláraðu seg fríggjadagin.
• Sunnudagur: Finalan – har teir bestu seyðahundarnir í Norðurlondum kappast um heiðurin sum Norðurlanda meistari.

Dómarar og leiðsla: Kappingin verður dømd av tveimum royndum og virðiligum dómarum: • Allistair Lyttle – Donegal, Írland • Andreas Schiess – Gossau, Sveis Banaformaður er Knut-Jørgen Oseberg úr Noregi, sum hevur ábyrgd av at leggja og leiða kappingina.

Kappingin er kend fyri at vera sera hørð. Noregi hevur bæði verandi Europa- og heimsmeistara, og Svøríki er verandi Norðurlanda meistari. Føroysku luttakararnir hava víst góða framgongd seinastuni árini og eru klárir at bjóða teimum sterkastu av. Danmark og Finland hava eisini sterkar luttakarar við, og tað verður spennandi at síggja, hvussu teir klára seg í hesum altjóða høvi.

Síggj kappingina beinleiðis: Øll kappingin kann síggjast beinleiðis á netinum á: sheepdogtrials.tv Netstroyming kostar 125 norskar krónur fyri hvønn dag Atgongd á staðnum er ókeypis – øll eru vælkomin! Ein hátíð fyri seyðahundavenjing Norðurlanda meistaraheitið er ikki bert ein kapping – tað er ein hátíð fyri alt arbeiðið, sum verður lagt í seyðahundavenjing kring Norðurlond.

Áskoðarar kunnu vænta framúr dygd, spennandi løtur og eina góða og virðiliga kapping. Luttakarar koma á banan soleiðis:

• Tummas Jacobsen við Linn. start nr. 10
• Jónstein Petersen við Gripur. Start nr. 20
• Anna Sofía Fjallheim við Midge. Start nr. 33
• Tummas Jacobsen við Moss. Start nr. 42