Vit høvdu roynt við NAFO øki 3N, tað er tætt við Flemish Cap, og roynt eftir hvíttkalva og skuldu inn til Kanada at skifta fólk, landa og taka proviant. Samskiftistrupuleikar stungu seg upp beint áðrenn vit komu til Kanada, at vit bara sluppu at taka olju og onki annað. Vit tóku olju og valdu so at taka tað avgerð at fara til St. Pierre, sum er franskt og harvið EU øki, at skifta manning, sigur Eyðstein

Vit tríggir føroyingarnir, sum skuldu í land hava allir reyð EU pass, upplýsir Eyðstein. 

Tá vit nærkaðust St. Pierre fingu vit at vita úr St. Pierre at Pison slapp ikki inn. Eitt bræv kom frá tí fronsku tjóðini, sum segði, at Pison var ikki vælkomin í franskt sjóøki á veg til Flemish Cap, sigur Eyðstein.

Tískil máttu vit sigla 700 fjórðingar til Grønlands at gera tey tingini, sum vit skuldu gera, sigur Eyðstein Sørensen skipari við Norðlýsið at enda.