Atkvøðugreiðslan byrjar kl. 10.00 fyrrapartin og heldur fram til kl. 20.00, ella so leingi veljarar møta uttan steðg.

Vallistarnir liggja, ella hava ligið, frammi til alment eftirlit hjá kommununum í minsta lagi í eina viku skjótast gjørligt eftir at valið er útskrivað. Valkort verða send teimum, sum sambært lógini hava valrætt til Løgtingið.

Kærur um

• at onkur ikki er komin á vallista,
• at onkur av órøttum er komin á vallista, ella
• at valkort vantar ella hevur villu

verða at senda avvarðandi kommunu.

Kommunustýrið skal uttan drál viðgera innkomnar kærur hesum viðvíkjandi. Verður komið eftir, at villa er á valkortið ella vallista, verður nýtt valkort útskrivað og vallistin rættaður. Slíkar villur kunnu verða rættaðar til og við valdagin.

Fíggjarmálaráðið, 09. mars 2026

Ruth Vang

landsstýriskvinna