30 ára gamli málverjin Sebastian John er ein av fýra KÍ-leikarum, sum hevur spælt allar minuttirnar í landskappingini í ár. Men tað kemur eingin minuttur afturat hjá honum, tí undir kvøldsins venjing sleyt hann hælsinuna undir venjing. Hetta hendi uttan nakað kropsligt samband við annan leikara. Ein slíkur skaði ger, at ein kann ikki spæla í minsta lagi níggju mánaðar fram, og tí er hansara kappingarár liðugt.

Fyri nøkrum vikum síðani sleyt Patrik Johannesen eisini hælsinuna. Hann hevði trupulleikar í 2025 av somu hælsinu og spældi ikki frá byrjan nakrar av dystunum móti endanum av kappingini av somu orsøk.

Fyrr í ár var Mark F. Jensen, sum í fjør var valdur til ársins málverja, skaddur og hann hevur ikki fingið plássið aftur síðani. Nú hann er frískur, og tí verður hann málverji hjá KÍ komandi tíðina. Skaðin hjá Sebastian ger tó, at KÍ helst má út eftir einum nýggjum málverja áðrenn altjóða dystirnar í summar. Flytingarvindeygað letur upp 15. juni.