Bill Justinussen, løgtingsmaður, spyr Bárð á Steig Nielsen, landsstýrismann í fiskivinnumálum, um ætlanir eru um eina serliga skipan fyri hýsufiskiskap undir Føroyum.
Sambært fyrispurninginum koma fleiri skip og bátar út á heystið í ta støðu, at tillutaðu fiskidagarnir eru uppi. Bill vísir á, at fiskifrøðin metir støðuna hjá hýsuni vera góða, meðan støðan hjá toskinum er verri.
Hann vil tí vita, um skip og bátar kunnu fáa loyvi at veiða hýsu, hóast dagatalið er uppi. Ein slík skipan má sambært fyrispurninginum tryggja, at veiðutrýstið á onnur fiskasløg ikki økist.
