Formaðurin í P/F Visit Faroe Islands: Stjórin er verd sína løn
Jóhannes Jensen, nevndarformaður í P/F Visit Faroe Islands, sigur í viðtalu við Norðlýsið, at stjórin í felagnum, Guðri Højgaard, er løn sína verd.
Visit Faroe Islands, fór at virka sum alment partafelag í 2015, og sambært roknskapunum fram til 2017, sum eru alment atgongiligir, kunnu vit staðfesta at lønin hjá stjóranum, Guðri Højgard er hækka á hvørjum árið og var sambært roknskapinum 2017 heili 26% hægri enn í 2015 og er í dag góðar 70.000 kr. um mánaðin.
Sambært roknskapunum hjá P/F Visit Faroe Islands er lønin hjá stjóranum seinastu trý árini, síðan Vinnumálaráðið stovnaði almenna partafelagi, hendan:
2017 kr. 796.654
2016 kr. 777.853
2015 kr. 593.887
Samlaðu lønar útreiðslurnar hjá P/F Visit Faroe Islands vóru í 2017 kr. 3.214.545,-
Í 2015 vóru samlaðu lønarútreiðslurnar kr. 2.824.515,- og er tað ein lønarvøkstur uppá 12,5 %. Sostatt ferð størri og størri partur av lønarposanum hjá felagnum til stjóran.
Landskassin rindar raksturin.
Hóast talan er um eitt vinnuligt partafelag, eigur landið felagið 100% og P/F Visit Faroe Islands hevur allar sínar inntøkur úr landskassanum.
2018 17,8 mió. kr. stuðulsjáttan - stuðul til limagjald 500.000 - 1,5 marka til innlendis virksemi.
2017 13,4 mió. kr. stuðulsjáttan - sktuðul til limagjald 500.000 - 2,0 mio kr. marka til innlendis virksemi
2016 13,4 mió kr. stuðulsjáttan
2015 13,4 mió. kr. stuðulsjáttan
2014 12,9 kr. stuðulsjáttan - stuðul til limagjald 500.000 - 500.000 stovnsetan av partafelag.
Av tí at felagið er privat, eru pensjóns viðurskiftini hjá stjóranum ikki almenn og ei heldur frynsaágóðar, ið fylgja við starvinum.
Formaðurin sigur at lønin er fult uppiborin.
Jóhannes Jensen, formaður í almenna partafelagnum, P/F Visit Faroe Islands, sigur soleiðis um lønina hjá stjóranum.
- Vit hava valt at geva Guðri hasa lønina, tí vit meta at arbeiðsbyrðan hjá Guðri og úrslitini hjá Visit Faroe Islands, tala fyri hesa avgerð.