Bubu á veg til stóra vatnkríggi á Føroya Sjómannadegi
fer BUBU at súkkla aftur ídag, og steðgar við EFFO í Leirvík, beint undan vatnkrígginum.
Tiltakið byrjar á Strondum kl. 15.30 tá ið BUBU vitjar EFFO á Strondum, ið hevur gjørt fitt burtúr úr at súkklingin hesaferð byrjar á Strondum, og beint áðrenn kl. 16.00 verður fari at súkkla móti Runavík. Teinurin er góðar 25km og júst hesa tíðina á degnum væntast nógv ferðsla, so BUBU væntast í Runavík um 17.10, har steðga verður við Býráðsskrivstouna, har BUBU heilsar uppá og fólk hevur møguleika fyri at stuðla.
Seinasti teinurin í dag er so til Leirvíkar, og vónar BUBU at koma á EFFO í Leirvík um 18.15, har hann so fer at syngja onkrar av sínum BUBU sangum, ímeðan áhoyrarnir kunnu njóta kaffi, sunkist og okkurt afturvið.
Tað var undan Summarfestivalinum, at verkætlanin hjá BUBU at varpa ljós á, at tað eru børn í Føroyum, sum liva undir ávirkan av at avvarandi hava sálarsjúku, at drykkjuskapur er í familjuni og at børnum tørvar vaksin at tosa við. Tað eru tí Eg & tú linjan hja´Barnabat, Timeout hjá Sinnisbat og Øll hava rætt til góð barnaár hjá Bláa Krossi, ið peningurin ið savnaður verður inn fer til.
BUBU vónar at nógv fólk kemur at heilsa uppá, bæði á Strondum, Saltangará og í Leirvík, og soleiðis kunnu hoyra um verkætlanina og stuðla, soleiðis at felagsskapirnir kunnu hjálpa enn fleiri børnum til góð og gevandi barnaár.
Og sum flestu norðoyingar vita, so er leiðarin á EFFO í Leirvík, Óla Marner Christiansen altíð blíður og týður, og bjóðar tí ídag, sunkist, kaffi og okkurt gott afturvið, soleiðis at tey ið leita sær norður til Klaksvíkar á vatnkríggj, kunnu steðga á, stuðla BUBU og fáa okkurt gott afturvið.