Lýsing
Lýsing

Beatles vika í SMS

SKRIVAÐ: Tíðindaskriv  |  13.05.2019 - 08:00 Mentan Tíðindaskriv

Beatles fjepparar kunnu gleða til mánadagin 13. mai, tí tá byrjar forvitnislig Beatles vika í SMS við Føroya stórsta Beatles samling. Her verður tónleikur, framsýning og møguleiki at taka myndir á Abbey Road.

Framsýningin verður á Torginum í SMS og letur upp mánadagin 13. mai  kl. 15 og verður á Torginum fram til hósdagin 16. mai. Til framsýningina verður gjørligt at síggja ymiskt tilfar, sum føroyskir Beatles fjepparar, hava savnað saman gjøgnum fleiri ár. Eitt nú serligar Beatles útgávur, forkunnugt Beatles radio, myndir, ljóðføri, eins og beatlarnir nýttu, og mangt annað.

Ongin Beatles vika uttan tónleik og tískil fara føroyskir tónleikarar at framføra Beatles løg við teirra egnu tulkingum. Mánadagin 13. mai er tað Hans Ravnsfjall, ið fer at framføra, týsdagin 14. mai er tað Guðrun Sólja Jacobsen, sum fer á pallin og mikudagin 15. mai framførir Eyðun Nolsøe Beatles løg. Allar framførslurnar byrja kl. 16.30.

Sum nakað heilt serstakt er framleitt ein 4x3 metrar stór mynd av Abbey Road við eyðkenda fótgangarateignum frammanfyri, soleiðis at fólk kunnu taka mynd av sær framman fyri hesa kendu gøtuna og kenna seg sum Beatles stjørnur eina løtu.

Alt tiltakið er sjálvandi ókeypis, og er tað eina vitjan vert bæði fyri Beatles fjepparar og kennarar.

 

 

 

Lýsing
Seinastu tíðindini
Bústaðir ... til havnar­fólk?
Stroyming: Týskvøldskapping í Klaksvíkar…
Gekk væl hjá Ægir
Nú kunnu allar okkara persónsupplýs­ingar…
Beinleiðis vínsmakking online fyri øll,…
Ovurstórur tørvur er á fleiri námsfrøðin…
Hjálp okkum at finna atkomuligar matstov…
Lands­stýris­maðu­rin svarar fyrispurningi…
Telving á Norð­oyastevnu
Klaksvíkar Dartfelag á Norð­oyastevnu
Norð­oyastevnublaðið kemur fríggja­dagin
Norðoya Javnaðar­felag aðalfund
Virtual FIshExpo - vit siktaðu høgt, men…
Sjáldsamur gestur á Vágni
Færøerne findes faktisk, Mette!
Broyting í innsavning­ini hjá IRF
Løgreglan ger ikki meira við málið um sk…
Kvikk afturkomin undan Íslandi
Franskur trolari landar til Kósina
KÍ gav AB bank á Argjum