Lýsing
Lýsing

KÍ spælir neyvan landskappingardyst komandi vikurnar

SKRIVAÐ: Jákup Ósá  |  17.07.2019 - 23:34 Ítrottur Tíðindi

Nógv bendur á, at tríggir teir næstu landskappingardystirnir hjá KÍ vera útsettir vegna Europa League.

Í løtuni stendur KÍ til at spæla hesar landskappingardystir komandi vikurnar:

22. juli: KÍ-B36

27. juli: NSÍ-KÍ

2. august: ÍF-KÍ

Nú KÍ er víðari til 2. umfar í Europa League, so skal liðið spæla 25. juli í Sveis og 1. august í Føroyum. Vanliga verður sagt, at lið hava rætt til hvíld á fýra dagar millum dystir samstundis sum føroysk lið vanliga fáa útsett landskappingardystir, um tey ynskja tað vegna Europa League.

Sum skilst er longu avgjørt í semju millum KÍ og B36, at tann dysturin er útsettur og verður leiktur seinni, mest sannlíkt í august. Dysturin millum NSÍ-KÍ kann heldur ikki spælast, sum dystirnir liggja, og tí er sannlíkt, at hann eisini verður útsettur til august ella september. Sum skilst ætlar NSÍ ikki at seta seg upp ímóti, um KÍ ynskir at útseta dystin. Og so er tað ÍF-KÍ, sum ikki kann spælast sum ætlað 2. august, tí Europa League er dagin fyri. Mest sannlíkt verður tann dysturin útsettur til sunnudag 4. august ella mánakvøld 5. august. Tað verður samstundis fyrsti landskappingardysturin hjá KÍ eftir summarsteðgin í landskappingini. Fríggjakvøldið 9. august spæla KÍ-Víkingur á Summar Festivalinum.

Lýsing
Seinastu tíðindini
KÍ hevur nú 18 sáttmálar
Silva kappingin serva ígongd
Norðlýsið á gøtuni
Frá Alfa Bókhandli
Hvør er nú koppsetingarstrategiin?
Trump og friðar­sáttmálar
Fiskaaling og føroysk vinna í granskinga…
Svøvnur
Gudmundur Danielsen frá KÍ til NSÍ
Patrik Johannesen hevur skift felag
Magn verður kanska selt
Føroya Rættur ógildað løgtings­lóg
KREA opnar í Klaksvík
Núpur landar í dag og Kvikk í morgin
Skoraberg og Fuglberg landa á Kósini
Vóru teir nýggju aktørar­nir veruliga til…
Tekur yvirfrið­ingar­nevndin framtíð­ina fr…
Búnaðarstevnan útsett
Effo og SEV samstarva um løðistøðir
Nýggi Pison komin á Klaksvík