Orsøkin til at flóðin bæði á Borðoyarvík og á Vágni hevur verið so óvanliga høg seinastu dagarnar, kemur av sera lágum lufttrýstið. Barometrið vísti í gjár 959 hektopascal.

Lága luftrýstið hevur verið yvir eitt sera stórt øki. Í Noregi blivu smáu flogvførini ávaraði, tí hetta kundi gera at teirra hæddarmátarar kundu vísa skeirvar hæddarstøður hjá flogførunum.

tí vendu vit okkum til tyrludeildina hjá Atlantic, at fregnast um hetta eisini er galdandi fyri tyrlurnar.

Hans Erik Jacobsen, stjóri á tyrludeildini sigur, at okkara tyrlur eru somikið væl útgjørdar, at skiftandi lufttrýst ikki ávirkar tyrluflogferðsluna og heldur ikki ferðafólkaflogferðsluna.

Umborð á tyrlunum hava vit tvinnar radiostýrdar hæddarmátingar. Sum ikki eru tengdar at lufttrýstinum. Harafturat hava vit alla tíðina eitt talgilt kort framman fyri okkum, sum við ymiskum litum sigur okkum í hvørji hædd vit flúgva. Omaná øllum tí, sum elektronisku tólini vísa okkum, so hava vit sjálvandi eisini tað visuella, tá vit flúgva niðanfyri skýggini.

Janus Rein, fyrrverandi flogskipari hjá Atlantic, segði nakað tað sama um ferðafólkaflogførini, at tey hava útgerð sum ger, at tey ikki eru ávirkað av lufttrýstinum. Tey hava ymiskar skipanir og harafturat fáa flogførini allar upplýsingar um veðurstøðurnar á flogvøllinum áðrenn tey lenda, eisini lufttrýstupplýsingar.

Tað sum stóru flogførini meira ansa eftir, er friktiónsstøðan á vøllinum, tá kalt er og vandi fyri frosti og so sjálvandi eisini síðuvindur.