3. hjálparpakkin: 75% lønarendurgjald
Danska stjórnin hevur júst almannakunngjørt 3. hjálparpakkan til danska búskapin. Høvuðsamboðið í hesum er eitt lønarendurgjald frá danska statskassanum til raktu fyritøkurnar, ið merkja minkandi virksemi. Írestandi fjórðingin skulu fyritøkurnar sjálvar rindað.
Í hesi vikuni er danska stjórnin komin við tveimum hjálparpakkum til at avbøta búskaparligu avleiðingarnar av Corona. Nú hevur stjórnin saman við pørtunum á arbeiðsmarknaðarpørtunum kunngjørt ein triðja hjálparpakka til búskapin, hesin snýr seg um lønarendurgjald til hart sperdu privatu fyritøkurnar.
Endamálið við hjálparpakkanum er, at fyritøkurnar ikki skulu fremja uppsagnir til fáa endarnar at røkka saman, nú virksemi minkar so ógvusliga vegna Corona-smittuna. Fyritøkurnar kunnu søkja um lønarendurgjald í staðin, har danski staturin endurrindar 75% av lønarútreiðslunum. Írestandi fjórðingin mugu fyritøkurnar sjálvar rindað, meðan fakfeløgini hava góðtikið, at løntakararnir skulu góðtaka at halda 5 feriudagar í tíðarskeiðnum við lønarendurgjaldi.
Er Føroya Landsstýri á veg við hjálparpakka?
Vinnuhúsið boðaði í vikuni frá, at partarnir á føroyska arbeiðsmarknaðunum samráðast við Føroya Landsstýri um at fremja átøk til bøta um støðuna hjá føroyskum fyritøkum í hesi serstøðu fyri føroyska búskapin, vinnulívið og løntakararnar.
Tað er ein átroðkandi tørvur á, at føroyska landsstýrið eisini kemur við líknandi átøkum beinanvegin. Her nyttar ikki bert at seta sítt álit á serføroysk viðurskifti og vælvild, tí avleiðingarnar fyri føroyska búskapin verða ógvusligar, um onki verður gjørt nú. Og tað góða er, at føroyski búskapurin og almenni kassarnir hava eitt sera gott útgangsstøði fyri at gera nakað við málið.
Sí aðra grein um sama mál.